د افغان نړیوال اسلامي پوهنتون سره د علمي همکاريو هوکړه ليک لاسليک شو

دغه هوکړه‌ليک د متقابلو علمي همکاريو د لا پراختيا او د لا ښې همغږۍ د رامنځته کولو په موخه په افغان نړيوال اسلامي پوهنتون کې د دواړو پوهنتونونو د علمي چارو مرستيالانو له لوري لاسليک شو، چې په ناسته کې يې د افغان نړیوال اسلامي پوهنتون د علمي چارو مرستیال پوهنوال دوکتور عبدالواحد لياقت، د سيد جمال الدين افغاني پوهنتون د علمي چارو مرستیال قاضي عبدالهادي فضلي او نورو مسؤلينو برخه لرله. د ناستې په ترڅ کې مسؤلينو په خپلو خبرو کې د متقابلو علمي همکاريو هرکلی وکړ او دا يې د علمي بنسټونو ترمنځ د اړيکو د پياوړتيا او د تجربو د تبادلې لپاره مهم گام وباله.