د شرعياتو پوهنځي استاد پوهنمل علمي رتبې ته د ترفيع په موخه خپل دويم علمي کنفرانس وړاندې کړ
سيد جمال الدين افغاني پوهنتون د شرعياتو پوهنځي د عقيدې ديپارتمنت استاد پوهنيار عبداللطيف عابد د پوهنمل علمي رتبې ته د ترفيع په موخه(په اسلام او نصرانيت کې له يوې څخه د زياتو ښځو سره د نکاح پرتليزه څېړنه) تر سرليک لاندې خپل دويم علمي کنفرانس وړاندې کړ.
ياد کنفرانس چې پوهنتون د مسلکي پرمختيايي مرکز په تالار کې وړاندې شو په کې د علمي څېړنو او مجلې مرستيال پوهندوی دوکتور سيد اصغر هاشمي، د شرعياتو پوهنځي رييس مولوي عبدالمنان البدر، د ښوونې او روزنې پوهنځي رييس مولوي خانزاده حنيفي، د ژوري هيئت غړو: پوهندوی عنايتالرحمن همت، پوهندوی عطاءالله عصامي او پوهندوی محمد رحيم خاکسار، د پوهنتون استادانو، اداري کارمندانو او محصلينو گډون کړی وو چې له ازاد بحث او د ژوري هيئت له مثبتې ارزونې وروسته پر دُعايه کلماتو سره پای ته ورسېد.
