د لوړو زده کړو وزارت د روان کال دويمې گڼې رهبري شورا پرېکړو د تشريح په هکله يو ورځنی سېمينار داير شو
د پوهاوي په دغه سېمينار کې د پوهنتون مشرتابه، د پوهنځيو رييسانو، کادري او اداري آمرينو او د پوهنتون عمومي کمېټو مسؤلينو برخه لرله. د سېمينار په پيل کې د پوهنتون رييس شيخ عبدالمالک محسن په خپله وينا کې د ښه راغلاست ترڅنگ د نظام په هره اداره کې د مشرانو د تصاميمو او پرېکړو تطبيق او پلي کېدل مهم وبلل او د ياد سېمينار له تنظيموونکو يې مننه وکړه. نوموړي د يادې شورا پرېکړې اجماعي تصامیم ياد کړل او اړوند مسؤلين يې مخاطب کړل چې په خپلو برخو کې يې په جدي ډول تطبيق کړي.
ورپسې د پوهنتون علمي چارو مرستيال قاضي عبدالهادي فضلي د موضوع په تړاو چمتو کړی پرېزېنټېشن وړاندې کړ او ټولې پرېکړې يې وار په وار تشريح کړې او په پای کې يې د گډونوالو پوښتنو ته ځوابونه ورکړل. ياد سېمينار چې د قرانکريم د څو مبارکو آياتونو پر تلاوت پيل شوی ؤ د ښوونې او روزنې پوهنځي رييس مولوي خانزاده حنيفي له لوري په دُعايه کلماتو سره پای ته ورسېد.
