د ماسټر پلان تدوين کمېټې د پوهنتون عمومي رئيس په مشرۍ نوبتي ناسته وشوه
د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ د ماسټر پلان د ترتيب او تدوين کمېټې نوبتي ناسته وشوه، چې د پوهنتون مرستيالانو، د پوهنځيو رئیسانو او د کمېټې نورو غړو په کې برخه لرله. پیل کې د پوهنتون عمومي رئيس د ماسټر پلان د اهميت په تړاو خبرې وکړې او د پوهنتون پرمختگ لپاره يې ډېر مهم وباله. ورپسې د علمي څېړنو او مجلو مرستيال او د يادې کمېټې مسؤل پوهندوی دوکتور سيد اصغر هاشمي له لوري د پوهنتون ماسټر پلان په تړاو معلومات وړاندې شول او په تړاو يې د گډونوالو له لوري تفصيلي بحث وشو. دغه ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
