د مالي او اداري چارو مرستيال په مشرۍ ناسته کې د حاضرۍ په پابندۍ او چارو کې پر چټکتيا ټينگار وشو
سيد جمال الدين افغاني پوهنتون د مالي او اداري چارو مرستيال قاري رحمن الله صادق په مشرۍ تر سره شوې کاري ناسته کې چې د پوهنتون ځينو آمرينو او عمومي مديرانو په کې برخه لرله، پر بېلابېلو موضوعاتو بحث او پرېکړې وشوې.
په ياده ناسته کې د اسلامي امارت مشرتابه عالي مقام د فرمانونو عملي کول، له محصلينو او مراجعينو سره نېکه رویه، د دفترونو او چاپېريال پاک ساتلو،د حاضرۍ پابندي او نور بېلابېل موضوعات بحث شول.
د پوهنتون مالي او اداري مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې.
