پوهنتون د ازموینو عمومي کمېټې ناسته وشوه

سيد جمال الدين افغاني پوهنتون د ازموینو عمومي کمېټې د محصلانو چارو مرستيال پوهنمل علي احمد بهار په مشرۍ ناسته وکړه، چې د راتلونکې ازموینې د روڼتیا او لا معياري کېدو په برخه کې د اړینو تدابیرو د نیولو په اړه يې بحث او پرېکړې وکړې.

د محصلانو چارو مرستيال د ازموینو عمومي کمېټې د تېرو کړنو او فعالیتونو له امله ستاينه او مننه وکړه چې له کبله یې د پوهنتون ازموینې تر ډېره بریده رڼې او معیاري شوې دي. نوموړي همداراز د کمېټې غړو ته سپارښتنه وکړه چې د لوړو زده کړو وزارت له لوري د ټاکل شويو اصولو او مقرراتو او د پوهنتون له داخلي طرزالعمل سره سم دې د راتلونکو ازموینو له پروسې څخه جدي څارنه وکړي.

د ازموینو عمومي کمېټې ډاډ وښود چې په منظم ډول به د ازموینو د اخیستلو له بهیر او صحنو څخه څارنه وکړي او له اصولو سره سم به ازموینې واخلي. یاده ناسته د خیر په دُعا پای ته ورسېده.