پوهنتون د مالي او اداري چارو مرستيال په مشرۍ ناسته کې د لوړو زدهکړو وزارت د رهبري شورا پرېکړو پر بشپړ تطبيق ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې د معاونيت اړوند آمرينو او عمومي مديرانو په کې برخه لرله، د لوړو زدهکړو وزارت د(۵مې) گنې رهبري شورا پرېکړو په خپل وخت کې پر بشپړ تطبيق بحث وشو او اړوندو مسؤلينو ته خپلې دندې وسپارل شوې.
د پوهنتون مالي او اداري چارو مرستيال د لوړو زدهکړو وزارت د رهبري شورا پرېکړو په رڼا کې اړوندو مسؤلینو ته د محصلینو سېمینارونو دايرېدو لپاره د لازمو اسانتياوو برابرولو، په رجب المرجب میاشت کې د علماء کرامو او فاضلانو ازموینې ته د پوره چمتووالي او نورو بېلابېلو موضوعاتو په هکله لازمې سپارښتنې او لارښوونې وکړې.
