پوهنتون د مالي او اداري چارو مرستيال په مشرۍ ناسته کې پر خپل وخت د راپورونو په سپارلو ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې د معاونيت اړوند آمرينو او عمومي مديرانو په کې برخه لرله، پر يو شمېر موضوعاتو په کې بحث او پرېکړې وشوې.
په ياده ناسته کې پر خپل وخت(د فعاليتونو راپور او ستونزو شريکولو، د عوايدو په تحويل او د اجناسو په جمع او قيد)، د معاونيت اړوند تفتيش کمېټې لپاره د دندې لايحې په ترتيب او نور بېلابېل موضوعات بحث شول.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې او ناسته د خیر په دُعا پای ته ورسېده.
