پوهنتون محصلينو ته لس ورځنی ورکشاپ پای ته ورسېد
سيد جمال الدين افغاني پوهنتون کې محصلينو ته لس ورځنی ورکشاپ پای ته ورسېد.
ياد روزنيز ورکشاپ چې د ښوونې او روزنې پوهنځي د ارواپوهنې ډيپارټمنټ په نوښت؛ په ټولنيز پرمختګ کې د محصلانو ونډې تر سرليک لاندې د ياد پوهنځي محصلينو ته د ظرفيت لوړونې په موخه داير شوی وو؛ نن ورځ پای ته ورسېد.
ياد پروګرام د پای په مراسمو کې د ښوونې او روزنې پوهنځي رييس پوهنيار خليل الله حنيف د ورکشاپ ګډونوال پراخې مطالعې او په خپلو برخو کې نوښتونو ته وهڅول او د پروګرام له جوړونکو يې مننه وکړه.
ګډونوالو ته د ورکشاپ اهمیت او ارزښت بيان کړ او د پروګرام له جوړونکو يې مننه وکړه.
د غونډې په ترڅ کې د ارواپوهنې ډيپارټمنټ آمر پوهنمل اسدالله کليوال هم د ورکشاپ پر اهمیت او ارزښت خبرې وکړې.
د يادولو وړ ده چې د یاد لس ورځني ورکشاپ روزنيزې چارې د ښوونې او روزنې پوهنځي د ارواپوهنې ډيپارټمنټ د څلورم ټولګي محصل انارګل وصال له لوري پر مخ وړل کېدې، چې په پای کې د ورکشاپ ګډونوال ته تصدیق پاڼې هم ورکړل شوې.
