پوهنتون کې د نږدې يو نيم(۱،۵) میلیونه افغانیو په لگښت د بېلابېلو برخو د رغونې او بیارغونې چارې پیل شوې
دا پروژه چې د تمویل بودجه یې د لوړو زده کړو وزارت له لوري ورکول کېږي، ياد پوهنتون د ودانيو ترميم او رنگول، د غونډو تالار بيا رغونه او ليليې د پخلنځي اساسي رغول په کې شامل دي.
يادې پروژې د پيل مراسمو کې د سيد جمال الدين افغاني پوهنتون رييس شيخ عبدالمالک محسن په خپلو خبرو کې د لوړو زده کړو وزارت له محترم مقام څخه مننه وکړه چې د تحصيلي بنسټونو د ودې او پرمختگ لپاره دوامدارې هڅې کوي. نوموړي قراردادي شرکت ته سپارښتنه وکړه چې د پروژې کارونه له ټاکل شويو معيارونو سره سم پر خپل وخت پای ته ورسوي.
یادې پروژې د پرانیستې په مراسمو کې د پوهنتون مشرتابه سربېره؛ د کونړ ولايت اقتصاد رييس مولوي عبدالله همت او د ياد پوهنتون استادانو او کارکوونکو گډون کړی ؤ.
