کونړ سيد جمال الدين افغاني پوهنتون د افغانستان د سیاحتي جاذبو په ملي کنفرانس کې پنځم مقام خپل کړ
ياد ملي کنفرانس چې د لوړو زدهکړو وزارت له لوري په بدخشان پوهنتون کې جوړ شوی ؤ، د هېواد په کچه بېلابېلو دولتي او خصوصي پوهنتونونو مقالې وراستولې وي، چې د سيد جمال الدين افغاني پوهنتون مقالو په کې پنځم مقام خپل کړ.
د سيد جمال الدين افغاني پوهنتون اداره د دې لوړ علمي وقار د ترلاسه کولو په پار په ټوله کې افغان ولس او په ځانگړي ډول د پوهنتون ټول زيارکښ پرسونل ته مبارکي وايي.
د يادونې ده چې د سید جمال الدین افغاني پوهنتون به د ۱۴۰۳ ل کال په بهير کې د نورو لويو دولتي پوهنتونونو په څېر د يو ملي کنفرانس کوربهتوب وکړي.
