په کونړ ولايت کې د تنوير خصوصي پوهنتون چارې وارزول شوې
سيد جمال الدين افغاني پوهنتون د مشرتابه پلاوي په کونړ ولايت کې د تنوير خصوصي پوهنتون له چارو څخه څارنه او ارزونه وکړه. د ياد پوهنتون عمومي رئيس الحاج مولوي عبدالواسع منصور، چې د علمي چارو مرستیال قاضي عبدالهادي فضلي او د کيفيت لوړاوي آمر پوهنيار انتظار صديقي يې هم ملتيا کوله؛ د ياد خصوصي تحصيلي بنسټ د علمي، څېړنيزو، دعوت او ارشاد، تضمين کيفيت او اداري چارو د ارزونې ترڅنگ؛ د نوموړي پوهنتون د مسؤلينو ستونزې واورېدې او هغوی ته يې د حل ډاډ ورکړ.
د تنوير خصوصي پوهنتون رهبرۍ د سيد جمال الدين افغاني پوهنتون د مشرتابه پلاوي په ورتگ خوښي وښوده او د ياد خصوصي پوهنتون پر فعاليتونو يې رڼا واچوله. ياده دې وي چې د سيد جمال الدين افغاني پوهنتون رهبري د يو منظم پلان له مخې په کونړ ولايت کې د تنوير خصوصي پوهنتون له فعاليتونو څخه ليدنه او څارنه کوي.
