د ښوونې او روزنې پوهنځي د پښتو ژبې او ادب څانگې له کتابتون سره څه باندې(۱۰۰۰) ټوکه د علمي آثارو مرسته وشوه
دغه مرسته چې د بېلابېلو علمي او فرهنگي مرکزونو او شخصيتونو له لوري شوې، د سيد جمال الدين افغاني پوهنتون رهبري يې د ياد کتابتون د بډاينې او ودې په برخه کې مهم گام بولي او د مرسته کوونکو علمي او فرهنگي مرکزونو او شخصيتونو له همکارۍ څخه مننه کوي.
د پښتو ژبې او ادب څانگې آمر پوهنيار محمد داؤد مبارز وايي، چې په دې مرسته شويو کتابونو کې د ژبپوهنې، ادبياتو، تاريخ، کلتور او د نورو اړوندو برخو مهم کتابونه شامل دي. د يادونې وړ ده چې له ياد کتابتون سره د علومو اکاډمۍ، عامه کتابتون، بيهقي د کتاب خپرولو رياست، د ننگرهار پوهنتون او نورو بېلابېلو علمي او فرهنگي شخصيتونو له لوري د څه باندې(۱۰۰۰) ټوکه کتابونو مرسته شوې ده.
