پوهنتون د اداري او خدماتي کارکوونکو د اجراآتو کلنۍ ارزونه وشوه
د سيد جمال الدين افغاني پوهنتون د مالي او اداري چارو معاونیت اړوند د کارکوونکو چارو آمریت، د کونړ ولایت مقام او د اداري اصلاحاتو او ملکي خدمتونو آمريت مسؤلینو د یو گډ پلاوي له لوري د دې پوهنتون له ۲يم څخه تر ۸م رتبې بست پورې د نږدې(۷۳) تنو اداري او خدماتي کارمندانو کړنې وارزول شوې.
له ياد بهير څخه د څارنې په ترڅ کې د پوهنتون عمومي رئيس الحاج مولوي عبدالواسع منصور د کارکوونکو د اجراآتو کلنۍ ارزونه اړینه وبلله او زياته يې کړه چې په دې سره په چارو کې خوځښت او نوښت رامنځته کېږي او کارکوونکي خپلو راتلونکو دندو ته متوجه کېږي.
د يادونې ده چې ټاکل شوي پلاوي د يادو کارکوونکو کلنۍ کړنې او راپورونه غوره وبلل او د کارونو د لا ښهوالي په پار يې هغوی ته لازمې سپارښتنې وکړې.
