د سيد جمال الدين افغاني پوهنتون د غونډو په تالار کې د هېواد د خپلواکۍ يو سل یومه کليزه ونمانځل شوه!
دغه غونډه چې د پوهنتون رييس ٬ مرستيالانو ٬ د پوهنځيو رييسانو ٬ استادانو او ګڼ شمېر محصلانو پکې ګډون کړی وو ٬ د قرآنکريم په تلاوت سره پيل شوه چې له ملي سرود وروسته د پوهنتون رييس پوهنوال دوکتور محمد ګلاب عمري د خپلواکۍ دبيا ګټلو د مبارکۍ تر څنګ د ازادۍ پر ارزښت خبرې وکړې. دوکتور عمري په خپلو خبرو کې ازادي يو الهي نعمت ياد کړ او په دې لړ کې يې محصلان او د غونډې ګډونوال ده ته متوجې کړل او ويې ويل٬ دغه ازادي چې زموږ نيکونو موږ ته له انګرېزانو څخه د سرونو په سرښندنو اخېستې په اقتصادي ٬ سياسي ٬ تعليمي٬ تحصيلي ٬ صنعتي ٬زراعتي او تخنيکي ازادۍ په غښتلي کولو سره ساتل کېږي.همدارنګه يې د غازي امان الله خان تر څنګ د ختيځ نابغه سيدجمال الدين افغان هم د ازادۍ سرلاری ياد کړ. د نورو ګډونوالو په توپير يې محصلان د راتلونکي مسؤلين وګڼل.
د غونډې يوه برخه هغو ويناوو او شعرونو ته ځانګړې شوې وه چې محصلانو پکې د هېواد دازادۍ په تړاو خپلې ويناوې او شعرونه واورول.
غونډه په هغه دعايه کليمو پای ته ورسېده چې هېواد کې د تلپاتې سولې او ښېرازۍ غوښتنه پکې شوې وه.
