سيد جمال الدين افغاني پوهنتون کې د امريکا او د هغوی د متحدينو د اشغال د خاتمې او د هېواد د ازادۍ په وياړ علمي کنفرانس وړاندې شو.

sjau_admin
یکشنبه ۱۴۰۱/۱۱/۹ - ۱۴:۱۸
sjau

په همدې اړوند جوړه شوې غونډه کې د پوهنتون رييس پوهنيار محب الله محب، د محصلانو چارو مرستيال پوهنمل علي احمد بهار، د مالي او اداري چارو مرستيال او په کونړ کې د لوړو زده کړو وزرات فوق العاده استازي قاري رحمن الله صادق، د پوهنځیو رييسانو، استادانو، اداري کارکوونکو او زده کړيالانو برخه لرله.

پیل کې د پوهنتون رييس پوهنيار محب الله محب ګډونوالو ته د ښه راغلاست ترڅنګ زياته کړه چې د سېپټمبر ۱۱ مه پېښه د پلمې ګرځولو له امله امريکا او متحدينو يې د افغانستان پاکه خاوره اشغال کړه چې د مجاهدينو د بې شمېره قربانيو او کمسارو سرښندنو په پايله کې تېر کال ملاماتي او مخ توري وشړل شول.

نوموړي خپلواکي او ازادي د الله جل جلاله ستر نعمت وباله او پر ملت يې غږ وکړ چې د دې لوی نعمت شکر ادا کړي.

د غونډې په ترڅ کې د سيد جمال الدين افغاني پوهنتون استادانو هر یو: پوهندوی روح الله نجم(د غربي ښکېلاک پايلې، درسونه او عبرتونه)، پوهندوی محمد رحيم خاکسار(افغانستان د اشغال لاملونه) او پوهنمل صاحب صادق هاند(د غربي استعمار پيل او ماتې)؛ تر سرلیکونو لاندې خپلې علمي او څېړنيزې مقالې وړاندې کړې چې د ګډونوالو د خوښۍ او پاملرنې وړ وګرځېدې او د غونډې په پای کې قاري رحمن الله صادق د لنډو خبرو په ترڅ کې وويل چې اسلامي او کفري نړۍ تل يو له بل سره په مخالفت کې دي نو په دې وروستيو پېړيو کې څو وارې کفري نړۍ يوازې د افغان مجاهد ولس له لوري ماتې خوړلې ده او غونډه د نوموړي له لوري په دُعاء ويلو سره پای ته ورسېده.

تازه ترین اخبار

چهارشنبه ۱۴۰۳/۱/۸ - ۱۲:۵۸
Background image

د سید جمال الدین افغاني پوهنتون رييس د پسرلني سمستر له پیل شويو ازموینو څخه ليدنه او څارنه وکړه

د پوهنتون رييس پوهنمل محب الله محب؛ د محصلانو چارو مرستيال پوهنمل علي احمد بهار او د ازموينو مرکزي کمېټې په ملتيا د پسرلني سمستر د وروستيو ازموینو له صحنو څخه د لیدنې پر مهال د پوهنځيو. . .

چهارشنبه ۱۴۰۳/۱/۸ - ۱۱:۴۹
Background image

د کونړ سيد جمال الدين افغاني پوهنتون د ليليې په مسجد کې د قرآن عظيم الشان ختم وشو

د تراويحو په لمانځه کې د قرآن عظيم الشان تر ختم وروسته شيوخو کرامو د روژې فضيلت په باره کې تفصيلي خبرې وکړې.

وروسته د ختم برخهوالو د رب العزت له درباره هېواد د ترقۍ او مسلمانانو د. . .

پنجشنبه ۱۴۰۳/۱/۲ - ۹:۳۵
Background image

سيد جمال الدين افغاني پوهنتون د ځنگلونو د ساتنې نړۍواله ورځ د یوې غونډې په ترڅ کې ونمانځله

ياده نمانځغونده چې د کرنې پوهنځي په نوښت جوړه شوې وه، په کې د ياد پوهنځي ريیس پوهندوی محمد حسن محمدي، د پوهنتون استادانو او محصلینو برخه لرله.

غونډې ته د کرنې پوهنځي رييس د ښه راغلاست. . .

BACK TO NEWS