د سيد جمال الدين افغاني پوهنتون او د التقوی لوړو زده کړو مؤسسې ترمنځ د ګډو همکاریو هوکړه ليک لاسلیک شو.

sjau_admin
یکشنبه ۱۴۰۱/۱۱/۹ - ۱۴:۳۲
sjau

د سيد جمال الدين افغاني پوهنتون او د التقوی لوړو زده کړو مؤسسې ترمنځ د علمي او څېړنيزو همکاریو هوکړه لیک د ياد پوهنتون د رييس پوهنيار محب الله محب او د نوموړې مؤسسې د ريیس خوشحال جواد له لوري لاسلیک شو.

د سيد جمال الدين افغاني پوهنتون رييس د التقوی لوړو زده کړو مؤسسې مسؤلینو ته ډاډ ورکړ چې د یادې هوکړې پر بنسټ به د دې پوهنتون معنوي او مادي امکانات او اسانتياوې نوموړې مؤسسې ته په علمي او څېړنيزه برخه کې د همکارۍ لپاره چمتو وي.

د التقوی لوړو زده کړو مؤسسې رييس ياده هوکړه د دواړو لورو په ګټه وبلله او د پلي کېدو په برخه کې يې د بشپړې همکارۍ ژمنه وکړه.

په یاده هوکړه کې د ګډو علمي کنفراسونو او سېمينارونو، اداري کارمندانو د وړتياوو لوړولو، د علمي پروژو طرحه او عملي کولو، تحصيلي نصاب بډاينې، الکترونيکي کتابتون، محصلينو ته د عملي برنامو، د علمي او اکاډميکو سيرونو او همدا راز د علمي او اداري موارېدو په برخه کې دوه اړخیزې مرستې شاملې دي.

ياده دې وي چې دا هوکړه ليک په اوو(۷) مادو کې د(۵) پنځو کالو لپاره؛ هېوادوالو ته د معياري تحصيلي خدمتونو د وړاندې کولو په موخه نن ورځ په سيد جمال الدين افغاني پوهنتون کې لاسليک شو.

د يادولو وړ ده چې د التقوی لوړو زده کړو مؤسسې د ريیس په مشرۍ راغلي پلاوي د سيد جمال الدين افغاني پوهنتون له بېلا بېلو برخو څخه هم ليدنه وکړه.

تازه ترین اخبار

پنجشنبه ۱۴۰۳/۳/۱۰ - ۱۱:۱۷
Background image

کونړ سيد جمال الدين افغاني پوهنتون د افغانستان د سیاحتي جاذبو په ملي کنفرانس کې پنځم مقام خپل کړ

ياد ملي کنفرانس چې د لوړو زده‌کړو وزارت له لوري په بدخشان پوهنتون کې جوړ شوی ؤ، د هېواد په کچه بېلابېلو دولتي او خصوصي پوهنتونونو مقالې وراستولې وي، چې د سيد جمال الدين افغاني پوهنتون. . .

پنجشنبه ۱۴۰۳/۳/۱۰ - ۱۰:۱۳
Background image

پوهنتون اداري کارکوونکو ته د دعوت او ارشاد آمر له لوري اصلاحي بیان وشو

د دعوت او ارشاد آمر مولوي اعجازالحق زلف د نبي ﷺ د تابعدارۍ پر فوايدو د پوهنتون اداري کارکوونکو ته تفصيلي خبرې وکړې او د نبوي احاديثو په رڼا کې یې هغه لارې چارې بيان کړې، چې پر عملي کېدو. . .

چهارشنبه ۱۴۰۳/۳/۹ - ۸:۵۰
Background image

سيد جمال الدين افغاني پوهنتون مشرتابه پلاوي د ښوونې او روزنې پوهنځي له تدریسي او اداري چارو څارنه او ارزونه وکړه

د پوهنتون رييس شيخ عبدالمالک محسن؛ د محصلانو چارو مرستیال پوهنمل علي احمد بهار په ملتيا د ښوونې او روزنې پوهنځي تدریسي او اداري چارې له نږدې ولیدې چې د لیدنې پر مهال يې د ياد پوهنځي د. . .

BACK TO NEWS