په سيد جمال الدين افغاني پوهنتون کې د تضمین کیفیت معیارونو په اړه د پوهاوي ورکشاپ داير شو
ياد يو ورځنی ورکشاپ چې د تضمین کیفیت آمریت له لوري په مسلکي زدهکړو پرمختیايي مرکز کې جوړ شوی ؤ، په کې د پوهنځیو ريیسانو او د څانگو آمرینو برخه لرله.
د ورکشاپ په پرانېسته کې د پوهنتون علمي چارو مرستيال پوهندوی ميرويس ستانکزي گډونوالو ته ښه راغلاست ووايه او د تضمین کیفیت پروسې د اهميت او ارزښت په اړه يې خبرې وکړې.
نوموړي همداراز د ورکشاپ له گډونوالو وغوښتل، چې په فعال گډون سره د ورکشاپ له ټولو مطالبو پوره گټه واخلي.
د يادونې ده چې د دې ورکشاپ د روزنې چارې د سيد جمال الدين افغاني پوهنتون د تضمین کیفیت آمر پوهنيار انتظار صديقي له لوري پر مخ وړل کېدې.
