ملي کنفرانس ته د چمتوالي په پار مقدماتي مشورتي ناسته وشوه
په سيد جمال الدين افغاني پوهنتون کې؛ په اکاډميکو بنسټونو کې د څېړنې د پياوړتيا ميکانيزمونو تر سرليک لاندې دايرېدونکي ملي کنفرانس لپاره مقدماتي مشورتي ناسته وشوه، چې په کې د پوهنتون مشرتابه، د پوهنځيو رييسانو او استادانو برخه لرله.
پيل کې د پوهنتون رييس شيخ عبدالمالک محسن د تحقيق اهميت او ارزښت په تړاو تفصيلي خبرې وکړې او هغه يې يو الهي امر ياد کړ.
ورپسې د پوهنتون علمي څېړنو او مجلې مرستيال پوهندوی دوکتور سيد اصغر هاشمي د ياد کنفرانس په تړاو د مجلس گډونوالو ته معلومات وړاندې کړل چې هغوی پرې خپل نظرونه او وړاندیزونه سره تبادله کړل.
