د مالي او اداري چارو مرستيال په مشرۍ ناسته کې د چارو په چټکتيا او کارونو کې پر اخلاص ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې په کې د مالي او اداري معاونيت اړوند آمرينو او عمومي مديرانو برخه لرله، پر بېلابېلو موضوعاتو يې بحث او پرېکړې وکړې.
په ياده ناسته کې په چارو کې سلسله مراتب مراعتول، له مراجعينو سره نېکه رویه او ښه سلوک، د حاضرۍ پابندي او نور بېلابېل موضوعات بحث شول.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې، چې وروسته ناسته د خیر په دُعا سره پای ته ورسېده.
