د اقتصاد پوهنځي استادانو له لوري د ترسره شويو څېړنو پايلې له اړوندو ادارو او گډونوالو سره شریکې شوې
په دې تړاو جوړې شوې غونډې ته د سيد جمال الدين افغاني پوهنتون رييس شيخ عبدالمالک محسن په خپلو خبرو کې په ترسره شويو څېړنو خوښي وښوده او زیاته یې کړه، چې څېړنه د هېواد پرمختگ ته زمينه برابروي او د پياوړي اقتصادي لپاره لارې چارې وړانديزوي. نوموړي همداراز د پروگرام له تنظيموونکو مننه وکړه چې د تضمين کيفيت د معيارونو په رڼا کې د خپلو څېړنو پايلې له اړوندو ادارو سره شريکوي.
غونډې ته د اقتصاد پوهنځي رييس پوهنيار حامد احمد مراد د پوهنځي په لاسته راوړنو او پرمختگونو خبرې وکړې او ورپسې د ياد پوهنځي استادانو په خپل وار د تر سره کړو څېړنو پایلې د پرېزېنټېشن په بڼه له گډونوالو سره شريکې کړې او د هغوی پوښتنې يې هم ځواب کړې. ياده غونډه د خیر په دُعا پای ته ورسېده.
