د دعوت او ارشاد آمريت له لوري د پوهنتون اداري او خدماتي کارکوونکو ته د قرانکريم ترجمې او تفسير درس پيل شو
سيد جمال الدين افغاني پوهنتون د دعوت او ارشاد آمريت له لوري نن ورځ د خپلو ديني او اصلاحي درسونو پر دوام د پوهنتون په اداري ودانۍ کې اداري او خدماتي کارکوونکو ته د قرانکريم ترجمې او تفسير درس پيل شو، چې تر دې وروسته به په رسمي ورځو کې له ټاکل شوي مهالوېش سره سم دوام ولري.
پوهنتون د دعوت او ارشاد آمر مولوي اعجازالحق زلف د ياد درس په پرانيسته کې د قرانکريم پر اعجاز، د تلاوت پر اهميت او ادابو تفصيلي خبرې وکړې او د پوهنتون منسوبين يې په درس کې فعال گډون ته راوبلل.
پای کې نوموړي د ياد آمريت نوی گمارل شوی مبلغ مولوي عبيدالله نعماني د پوهنتون منسوبينو ته ور وپېژاند او د نن ورځې درس يې د خير په دُعاء سره پای ته ورساوه.
