د پوهنتون استادانو ته په تدريس کې د معلوماتي ټکنالوژۍ مؤثرې کارونې په تړاو روزنيز سېمينار وړاندې شو
دغه سېمينار چې د سيد جمال الدين افغاني پوهنتون د علمي چارو معاونيت په چوکاټ کې د مسلکي پرمختيا آمريت په نوښت جوړ شوی ؤ، د ياد پوهنتون لسگونو استادانو په کې برخه لرله. په پيل کې د مسلکي پرمختيا آمر پوهنيار امان الله توتاخېل په خپلو خبرو کې د سېمينار اهميت او ارزښت بيان کړ او ورپسې د کمپيوټرساينس پوهنځي د معلوماتي ټکنالوژی څانگې آمر پوهنيار خالد شينواري له لوري په تدريس کې د کارېدونکو ټکنالوژيو اغېزناکه کارونه او همداراز د ګوګل ډېر کارېدونکو اپليکيشنونو مؤثرې کارونې پر موضوعاتو چمتو شوي پرېزېنټېشنونه وړاندې شول او د گډونوالو پوښتنې يې هم ځواب کړې.
