د پوهنتون د څېړنو عمومي کمېټې نوبتي ناسته وشوه
سيد جمال الدين افغاني پوهنتون د څېړنو عمومي کمېټې د علمي څېړنو او مجلو مرستيال پوهندوی دوکتور سيد اصغر هاشمي په مشرۍ خپله نوبتي ناسته وکړه، چې د کمېتې ټولو غړو په کې برخه لرله. په ياده کاري ناسته کې د يو تن علمي کادر غړي د څېړنيز پروپوزل پر تاييد، پر خپل وخت د راپورونو شريکولو او په يو شمېر نورو موضوعاتو باندې بحث او پرېکړې وشوې. د ناستې په ترڅ کې د علمي څېړنو او مجلو مرستيال د يادو موضوعاتو په هکله اړوند مسؤلینو ته لازمې سپارښتنې او لارښوونې وکړې. ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
