د پوهنتون رييس د خزاني سمستر له ازموینو ليدنه او څارنه وکړه
د سید جمال الدین افغاني پوهنتون رييس د خزاني سمستر له پیل شويو ازموینو ليدنه او څارنه وکړه.
د پوهنتون رييس پوهنمل محب الله محب؛ د محصلانو چارو مرستيال پوهنمل علي احمد بهار په ملتيا د خزاني سمستر د وروستيو ازموینو له صحنو څخه د لیدنې پر مهال د پوهنځيو مسؤلینو او استادانو ته سپارښتنه وکړه چې ازموینې دې د لوړو زده کړو وزارت له اصولو او مقرراتو سره سمې په پوره شفافیت سره واخلي او پایلې دې پر خپل وخت له محصلینو سره شریکې کړي.
