د پوهنتون پنځه کلن ستراتيژيک پلان د تشرېح په موخه د پوهاوي يو ورځنی سېمينار داير شو
د سيد جمال الدين افغاني پوهنتون د پوهنځيو رئيسانو، معاونينو او څانگو آمرينو ته د پوهنتون پنځه کلن ستراتيژيک پلان د تشرېح په موخه د پوهاوي یو ورځنی سېمينار داير شو. د پوهاوي دغه سېمينار چې د پوهنتون علمي چارو معاونيت په چوکاټ کې د مسلکي پرمختيا آمريت په نوښت جوړ شوی ؤ، د پوهنتون رهبرۍ، د پوهنځيو رئيسانو، معاونينو او د څانگو آمرينو په کې برخه لرله.
د سيد جمال الدين افغاني پوهنتون عمومي رئيس الحاج مولوي عبدالواسع منصور په خپلو خبرو کې د پوهنتون مرستيالانو او د پوهنځيو رئيسانو ته لارښوونه وکړه، چې په ياد پلان کې ټاکل شويو موخو ته د رسېدو لپاره په همغږۍ گډ کار وکړي او له رياست مقام سره يې په دوامدار ډول معلومات شريک کړي. د سېمينار روزونکو استادانو برخهوالو ته د ستراتيژيک پلان ارزښت، جوړښت، تطبیق، ارزونې او د نورو مهمو برخو په تړاو معلومات وړاندې کړل او همداراز يې د هغوی پوښتنې هم ځواب کړې. د يادونې وړ ده چې ياد سېمينار د زراعت پوهنځي رئيس پوهندوی محمدحسن محمدي، د استادانو چارو آمر پوهنمل عمران رفيق او د اقتصاد پوهنځي استاد نپوهنيار ضياءالحق عمري له لوري وړاندې شو.
