د ښوونې او روزنې پوهنځي د عربي ژبې او ادب څانگې لرليد، رسالت او موخې
لرليد:
سيد جمال الدين افغاني پوهنتون د ښوونې او روزنې پوهنځي د عربي ژبې او ادب څانکې همېشنۍ هڅه او ژمنه ده چې د خپلو علمي برنامو او متخصصو کادرونو پر مټ د ټولنې اړتیا سره سم په عربي ژبه د مسلکي ښوونکو او کادرونو روزل، تر څو د ښوونې او روزنې پر مخ شته خنډونه رفع او خلا ډکه شي او د افغانستان د کلتور او ژبو غنامندي او دغه راز له نورو ملي ژبو سره د عربي ژبې اړيکې ټينګول او د بهرنيو ژبو او علومو څخه پخپل ملک او فرهنګ کې د استفادې زمينه برابرول؛ دا د عربي ژبې او ادب څانګې لرلید دی.
رسالت:
دعربي ژبې او ادب څانګې ایماني او اساسي رسالت دا دی چې خپل محصلین په مسلکي، دیني او اسلامي روحیه سمبال وروزي او د ملک د ښوونې او روزنې سېستم ته د قرآني ژبې له لارې وړ ښوونکي او مسلکي کادرونو وړاندې کړي.
موخې:
- د اسلام سپېڅلي دين په رڼا کې د داسې شخصیتونو روزل چې اسلامي او اخلاقي ارزښتونو ته ژمن وي او قانون ته درناوی، روحي پياوړتيا او ټولنيز اداب ولري.
- د محصلانو د پټو استعدادونو را پلټل او د هغوی سالمه رهبري کول، تر څو وکولای شي اسلامي تمدن او د افغانستان او نورو ملکونو تاريخي فرهنګ وپېژني او د خپلو فرهنګي، تاريخي او اسلامي ارزښتونو ساتنه وکړي.
- د نوي نصاب او د تدريس اوصولو په مرسته د داسې مسلکي او علمي ظرفيتونو روزل چې د ټولنې ټولو غوښتونو ته په ټوليزه ټوګه ځواب ويوونکی وي.
د رسمي او بهرنيو ژبو، ادبياتو پېژندنه او د هغو ژبنيو مهارتونو ته وده ورکول او همداراز د ژباړې او څېړنې له لارې ملي ژبې او نور علوم بډايه کول
