د HEMIS سېستم په اړه د بېلا بېلو پوهنځیو استادانو ته ورکشاپ داير شو

سيد جمال الدين افغاني پوهنتون کې د لوړو زده کړو وزارت مديريتي او معلوماتي سېستم په اړه د بېلا بېلو پوهنځیو نويو مقرر شويو او نورو استادانو ته ورکشاپ داير شو.

د ياد پوهنتون د مسلکي پراختیا په مرکز کې د لوړو زده کړو وزارت مديريتي او معلوماتي سېستم په اړه يو ورځنی ورکشاپ داير شو چې د پرانيستې په مراسمو کې يې د پوهنتون رييس پوهنمل محب الله محب، د علمي چارو مرستيال پوهندوی ميرویس ستانکزي او د پوهنځيو مسؤلينو هم ګډون کړی ؤ.

پيل کې د پوهنتون رييس پوهنمل محب الله محب د ښه راغلاست تر څنګ؛ زده کړه په هر حالت کې د ژوندانه مهمه اړتيا وبلله او ګډونوالو ته يې د وړاندې کېدونکو موضوعاتو د پوره تعقيب سپارښتنه وکړه.

پای کې د پوهنتون الکترونيکي زده کړو د کمېټې مسؤل او د کمپيوټر ساينس پوهنځي استاد پوهنيار خالد شينواري له لوري د ياد سېستم په اړه په تيوري او عملي بڼه استادانو ته چمتو شوي معلومات وړاندې شول.