پوهنتون او کونړ ولايت د شپږو دويمي اداري واحدونو ترمنځ د گډو همکاریو هوکړه ليکونه لاسلیک شول

Abdullah Saeed
سه‌شنبه ۱۴۰۳/۷/۱۰ - ۱۴:۲۹
SJAU

نن ورځ د سيد جمال الدين افغاني پوهنتون او د کونړ ولايت شپږو دويمي اداري واحدونو سره د علمي او مسلکي ظرفیت لوړونې په موخه د دوه اړخيزو همکاريو هوکړه‌لیکونه د پوهنتون رييس شيخ عبدالمالک محسن له لوري لاسلیک شول.

په همدې مناسبت جوړو شويو مراسمو ته د پوهنتون رييس په خپلو خبرو کې د پوهنتون او نورو ادارو ترمنځ د گډ تفاهم يادې هوکړې ډېرې مهمې يادې کړې، چې په نتيجه کې به يې يوې ادراې ته د بلې ادارې له امکاناتو او ظرفيتونه څخه د گټې اخيستنې زمينه برابره شي.

نوموړي زياته کړه چې د دې هوکړو له مخې به د علمي او مسلکي همکاريو ترڅنگ، د پوهنتون محصلینو ته د عملي زده‌کړو او اړینو تجربو د ترلاسه کولو په برخه کې لازمې اسانتياوې برابرې شي.

ورپسې کونړ ولايت د کار او ټولنيزو چارو رييس مولوي مجيب الله عمر او د تخنيکي او مسلکي زده کړو آمر مولوي شاکرالله الکوزي د خپلو ويناوو پر مهال؛ هېواد د پرمختگ لپاره د ادارو تر منځ گډه همکاري مهمه او اړينه وبلله.

د يادونې ده چې سيد جمال الدين افغاني پوهنتون د کونړ ولايت له اسعداباد ښاروالۍ وروسته نن ورځ د کار او ټولنيزو چارو، اقتصاد او کانونو رياستونو، د سوداگرۍ او پانگونې خونې، د تخنيکي او مسلکي زدهکړو آمريت او د گمرکونو له لوی مديريت سره د گډو همکاريو هوکړه‌لیکونه لاسلیک کړل.

تازه خبرونه

دوشنبه ۱۴۰۴/۳/۲۶ - ۱۵:۴۱
Background image

علمي څېړنو او مجلې مرستيال د معاونيت اړوند له آمرينو او مديرانو سره ناسته وکړه

سيد جمال الدين افغاني پوهنتون د علمي څېړنو او مجلې مرستيال پوهندوی دوکتور سيد اصغر هاشمي د معاونيت اړوند له آمرينو او مديرانو سره ناسته وکړه او پر يو شمېر موضوعاتو يې بحث او پرېکړې وکړې. . .

دوشنبه ۱۴۰۴/۳/۲۶ - ۱۲:۴۰
Background image

د ۱۴۰۴ کال د کانکور ازموینې گډونوالو د بایومتریک معلوماتو د ثبت پروسه پيل او په چټکۍ سره روانه ده

د سيد جمال الدين افغاني پوهنتون رييس شيخ عبدالمالک محسن، د محصلانو چارو مرستیال پوهنمل علي احمد بهار او د مالي او اداري چارو مرستيال حافظ مولوي محمدعثمان سعيد؛ د ازموينو ملي ادارې څخه د. . .

یکشنبه ۱۴۰۴/۳/۲۵ - ۱۵:۲۲
Background image

شکايتونو د اورېدو کمېټې د پوهنتون رييس په مشرۍ ناسته وکړه

ياده ناسته چې د سيد جمال الدين افغاني پوهنتون د رييس عبدالمالک محسن په مشرۍ وشوه، د کمېټې ټولو غړو په کې برخه لرله. پوهنتون رييس د پرانیستې وینا پر مهال د ښه راغلاست ترڅنگ اړوند مسؤلين. . .

BACK TO NEWS