پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو تالار د بيارغونې چارې له نږدې وليدې او د قراردادي شرکت مسؤلينو ته يې د باکيفيته موادو کارونې او له ټاکل شويو معيارونو سره سم د کار کولو لارښوونه وکړه. په ورته وخت کې د مالي او اداري چارو مرستيال له لوري د ښوونې او روزنې پوهنځي له حاضرۍ څخه کنټرول او څارنه هم وشوه چې د څارنې پر مهال د ياد پوهنځي رييس پوهنيار مولوي خانزاده حنيفي ځينې ستونزې له مالي او اداري چارو مرستيال سره شريکې کړې چې د هغه له لوري د حل ډاډ ورکړل شو.