پوهنتون د نصاب او کريکولم عمومي کمېټې ناسته وشوه
سيد جمال الدين افغاني پوهنتون د نصاب او کريکولم عمومي کمېټې د علمي چارو مرستيال قاضي عبدالهادي فضلي په مشرۍ ناسته وکړه، چې د کمېتې ټولو غړو په کې برخه لرله. ياده ناسته چې د قرآنکریم د څو مبارکو ایاتونو پر تلاوت پیل شوه، ترې وروسته د پوهنتون علمي چارو مرستيال گډونوالو ته د ښه راغلاست ترڅنگ؛ تحصيلي نصاب د زدهکړې اساسي موخو ته د رسېدو لپاره يو مهم اصل وباله او همداراز يې د کمېټې غړو ته د اړوند پوهنځيو په کچه د ټاکل شويو مفرداتو د بشپړ پلي کېدو سپارښتنه وکړه. په دغې کاري ناسته کې يادې کمېټې د تېر سمستر راپور وړاندې کړ او د درسي مفرداتو مطابق د کورس پاليسيو د بشپړ تطبيق او د روان سمستر د درسي بهير د دقيقې څارنې ډاډ ېې څرگند کړ. ياد مجلس د خیر په دُعا پای ته ورسېد.
