پوهنتون رييس د تر سره شوي شپږ ورځني سېمينار موضوعات په تشريحي بڼه وړاندې کړل
د کونړ سيد جمال الدين افغاني پوهنتون د رييس له لوري د پوهنتون منسوبينو ته د عاليقدر اميرالمؤمنين حفظه الله د حُکم پر بنسټ د شپږ ورځني سېمينار موضوعات په تشريحي بڼه وړاندې شول.
غونډه د قرانکريم پر څو مبارکو اياتونو پيل شوه، ورپسې د پوهنتون رييس پوهنمل محب الله محب؛ د پوهنتون ټولو منسوبينو ته د عاليقدر اميرالمؤمنين شيخ القران والحديث مولوي هبة الله اخوندزاده حفظه الله د حُکم پر بنسټ په ټولو ولاياتو کې د ا.ا.ا مسؤلينو او شيوخو له لوري په تر سره شوي شپږ ورځني سېمينار کې وړاندې شوي موضوعات(تقوا، اطاعت، اخلاص، د نبوي سنتو پابندي، د بيت المال ساتنه، له اختلافاتو ځان ساتل...) وار په وار تشريح کړل او ټولو منسوبينو ته يې د پرځای کولو لارښوونه وکړه.
غونډه په دُعايه کليماتو سره پای ته ورسېده.
