پوهنتون مشرتابه پلاوي د خزاني سمستر د پیل شويو ازموینو له صحنو څخه ليدنه او څارنه وکړه
د سید جمال الدین افغاني پوهنتون ريیس شیخ عبدالمالک محسن؛ د محصلانو چارو مرستيال پوهنمل علي احمد بهار او محصلانو د خدمتونو او همغږۍ آمر مطيع الله مسرور په ملتيا د شرعياتو، زراعت او کمپيوټرساينس پوهنځيو د امتحانونو له بهير څخه ليدنه او څارنه وکړه.
د پوهنتون مشرتابه د يادې لیدنې په ترڅ کې د پوهنځيو مسؤلینو او استادانو ته سپارښتنه وکړه چې ازموینې باید پر ټاکلي وخت او پوره شفافيت سره واخلي او پایلې دې پر خپل وخت محصلينو ته اعلان کړي.
ټاکل شوې چې د پوهنتون ازموينو عمومي کمېټه به د روانو ازموینو له صحنو څخه په ورځني ډول د امتحانونو تر پايه دوامداره څارنه کوي.
