کونړ ولايت کې د اسد ۲۴مه د فتحې ورځ په شاندارو مراسمو سره ولمانځل شوه

Abdullah Saeed
شنبه ۱۴۰۴/۵/۲۵ - ۱۵:۵۳
SJAU

د غربي ښکېلاک د ماتې او اشغال د خاتمې تاريخي ورځ د يوې لويې پرتمينې غونډې په ترڅ کې ولمانځل شوه، چې په مراسمو کې يې د کونړ والي مولوي قدرت الله ابوحمزه، مرستيال والي مولوي عبدالله حقاني، د علماوو شورا رييس شیخ عبدالقهار صديقي، د سيد جمال الدين افغاني پوهنتون د علمي چارو مرستيال قاضي عبدالهادي فضلي، د ولايتي ادارې نظامي او ملکي مسؤلينو، علماءکرامو، قومي مشرانو، د ياد پوهنتون استادانو، اداري کارکوونکو او محصلینو، د مدارسو او ښوونځيو زده کوونکو او گڼو ولسي وگړو برخه اخيستې وه.

د کونړ والي مولوي قدرت الله ابوحمزه په خپلو خبرو کې یاده فتحه د الله ﷻ لويه پېرزو وبلله او زياته يې کړه چې د ساتنې لپاره يې بايد ټول خپلو مسؤليتونو ته پوره پاملرنه وکړو.

سيد جمال الدين افغاني پوهنتون د علمي چارو مرستيال په خپله وينا کې د افغان غيور او مجاهد ولس د شهامت او مېړانې يادونه وکړه چې په کلک ايمان او تش لاس يې په تېره يوه پېړۍ کې درېوو امپراطوريو ته ماتې ورکړې ده.

د کونړ مرستيال والي مولوي عبدالله حقاني، د علماوو شورا رييس شیخ عبدالقهار صديقي، د کونړ ولايت امنيه قومندان مولوي ضياءالحق حامد، د جهادي مدرسې مشر شيخ الحديث رحمت دين مدني او نورو ويناوالو په خپلو خبرو کې ټول افغان غيور ملت ته د يادې سترې وياړمنې ورځې مبارکي وويله او د تېر شل کلن جهاد په قربانيو، برياوو او د اسلامي نظام په ټينگښت او پايښت يې تفصيلي خبرې وکړې.

د یادولو وړ ده چې په دغو مراسمو کې د تېرې شل کلنې سپېڅلې او برحقې مبارزې اړوند حماسي شعرونه هم وړاندې شول او غونډه د دُعايه کليماتو په ويلو سره پای ته ورسېده.

تازه خبرونه

چهارشنبه ۱۴۰۴/۶/۵ - ۱۵:۱۸
Background image

د اقتصاد پوهنځي له لوري د ممتازو محصلینو د ستاينې ترڅنگ؛ جديدالشمول محصلانو ته ښه راغلاست وويل شو

پیل کې د اقتصاد پوهنځي رييس پوهنيار حامد احمد مراد په خپلو خبرو کې د ياد پوهنځي له استادانو او اداري کارکوونکو مننه وکړه چې د محصلينو په روزنه او د پوهنځي په پرمختگ کې يې نه ستړې. . .

چهارشنبه ۱۴۰۴/۶/۵ - ۱۴:۵۴
Background image

پوهنتون د څېړنو عمومي کمېټې ناسته وشوه

سيد جمال الدين افغاني پوهنتون د څېړنو عمومي کمېټې د علمي څېړنو او مجلې مرستيال پوهندوی دوکتور سيد اصغر هاشمي په مشرۍ ناسته وکړه، چې د علمي څېړنو آمر پوهنمل دوکتور محمدسليم کريمزي او د. . .

چهارشنبه ۱۴۰۴/۶/۵ - ۱۰:۵۷
Background image

د ليليې په مسجد کې د قرانکريم"ترجمې او تفسير" د درسونو پر دوام د المائدې سورت افتتاح وشوه

سيدجمال الدين افغاني پوهنتون د ليليې په مسجد کې محصلينو ته؛ د دعوت او ارشاد آمريت د درسونو په لړ کې تېره ورځ د ماښام تر لمانځه وروسته، د قرانکریم"ترجمې او تفسیر" د درسونو پر دوام د کونړ. . .

BACK TO NEWS