په پوهنتون کې د تضمين کيفيت نويو معيارونو په هکله د پوهاوي ورکشاپ داير شو

Abdullah Saeed
سه‌شنبه ۱۴۰۴/۱۰/۱۶ - ۱۴:۲۲
SJAU

ياد دوه ورځنی ورکشاپ چې د سيد جمال الدين افغاني پوهنتون د علمي چارو معاونيت په نوښت، د تضمين کيفيت آمریت له لوري د پوهنتون معلوماتي ټکنالوژۍ په مرکز کې جوړ شوی دی، د پوهنتون رهبري، د پوهنځيو رئيسان، د پوهنتون اداري او کادري آمرين په کې برخه لري.

د ورکشاپ په پرانيسته کې د پوهنتون عمومي رئيس الحاج مولوي عبدالواسع منصور گډونوالو ته ښه راغلاست ووايه او د تضمين کيفيت پروسې د اهميت او ارزښت په اړه يې هراړخيزې خبرې وکړې. نوموړي د ورکشاپ له گډونوالو وغوښتل، چې په فعال گډون سره د ورکشاپ له ټولو مطالبو پوره گټه واخلي. هغه وويل، دا چې هر بنسټ د تکامل مرحلې ته په تدريجي ډول رسېدلی شي نو د دې نويو معيارونو په پلي کېدو سره کولی شو د پوهنتون اداره د بشپړ علمي اعتبار مرحلې ته ورسوو او د دې لپاره بايد هر مسؤل په خپله برخه کې په پوره اخلاص سره کوشش وکړي او ورسپارل شوی مسؤليت په ښه شان سره اداء کړي.

د يادونې وړ ده چې د دې ورکشاپ د روزنې چارې د سيد جمال الدين افغاني پوهنتون د علمي چارو مرستيال قاضي عبدالهادي فضلي او د تضمین کیفیت آمر پوهنيار انتظار صديقي له لوري پر مخ وړل کېږي، چې د دوه ورځو په ترڅ کې به د ورکشاپ برخه‌والو ته د تضمين کيفيت نوي چوکاټ مطابق د پوهنتون علمي، اداري، تخنيکي او نورو برخو اړوند د هر معيار موخې، د ارزونې مېتودونه او د پلي کېدو لارې چارې په تفصيل سره تشرېح او روښانه کړي.

تازه خبرونه

شنبه ۱۴۰۵/۸/۲ - ۱۴:۲۲
Background image

د افغانستان مالياتي نظام تر سرليک لاندې معلوماتي سيمينار وړاندې شو

ياد سیمينار چې د سيد جمال الدين افغاني پوهنتون د اقتصاد پوهنځي استادانو او محصلانو ته له ماليې وزارت څخه د راغلي پلاوي په همکارۍ وړاندې شو، د پوهنتون رهبرۍ، د کونړ مستوفيت استازو، د. . .

سه‌شنبه ۱۴۰۵/۷/۲۸ - ۱۴:۴۱
Background image

د کونړ محترم والي له سيد جمال الدين افغاني پوهنتون څخه د ليدنې پرمهال د پوهنتون په علمي شورا کې گډون او وينا وکړه

د کونړ محترم والي الحاج مولوي قدرت الله ابوحمزه له سيد جمال الدين افغاني پوهنتون څخه د ليدنې په ترڅ کې د ياد پوهنتون په علمي شورا کې گډون او وينا وکړه، چې د پوهنتون رهبرۍ او علمي شورا. . .

پنجشنبه ۱۴۰۵/۷/۲۳ - ۱۲:۵
Background image

د پوهنتون عمومي رئیس له اداري او خدماتي کارکوونکو سره ناسته وکړه

د سيد جمال الدين افغاني پوهنتون عمومي رئيس الحاج مولوي عبدالواسع منصور د پوهنتون له اداري او خدماتي کارکوونکو سره ناسته وکړه. د پوهنتون عمومي رئیس په خپلو خبرو کې ياد کارکوونکي مخاطب. . .

BACK TO NEWS