د اقتصاد پوهنځي پنځه کلن ستراتيژيک پلان د تشرېح په موخه د پوهاوي يو ورځنی سېمينار داير شو
د سيد جمال الدين افغاني پوهنتون د اقتصاد پوهنځي اړوند پنځه کلن ستراتيژيک پلان د تشرېح په موخه د پوهاوي یو ورځنی سېمينار داير شو، چې د څانگو آمرينو، استادانو او اداري کارکوونکو په کې برخه لرله. د سېمينار وړاندې کوونکي او د ياد پوهنځي رئيس پوهنيار حامد احمد مراد د سېمينار برخهوالو ته د نوموړي پوهنځي د ستراتيژيک پلان ارزښت، جوړښت، تطبیق، ارزونې او د نورو مهمو برخو په تړاو معلومات وړاندې کړل او همداراز يې د هغوی پوښتنې هم ځواب کړې.
