پوهنتون د علمي شورا نوبتي ناسته وشوه
ياده ناسته چې د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ وشوه، د پوهنتون مرستیالانو، د پوهنځيو رئیسانو او استادانو په کې برخه لرله؛ چې د پوهنتون او پوهنځيو په کچه کمېټو د مسؤلينو ټاکلو او د هغوی د مسؤليت وخت تعين، اداري برخې د کلنۍ ارزونې لپاره د کمېټې ټاکلو، د وترنرۍ علومو او د ژبو او ادبياتو پوهنځيو پروپوزلونو، د يو تن علمي کادر غړي د ترفېع پر موضوع او يو شمېر نورو موضوعاتو په اړه يې بحث او پرېکړې وکړې.
د پوهنتون عمومي رئيس د پرانیستې وینا پر مهال په اسلامي شريعت کې د شورا پر مقام، ارزښت او اهميت هر اړخيزې خبرې وکړې او اړوند مسؤلين يې خپلو دندو ته ځیر کړل. ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
