د ليليې په مسجد کې د تراويحو په لمانځه کې د قرآن عظيم الشان ختم وشو
د قرآن عظيم الشان ختم چې د سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په امامت سره وشو، ورپسې د پوهنتون عمومي رئيس الحاج مولوي عبدالواسع منصور له لوري ګډونوالو ته اصلاحي بيان وشو او محصلين يې خپلو مسؤليتونو ته متوجه کړل. په پای کې ياده ديني اجتماع د شرعیاتو پوهنځي رئیس مولوي کليم الله حقاني له لوري د مجاهدینو د بریا او په هېواد کې د اسلامي نظام او تلپاتې سولې د بقاء او پایښت په دعا سره پای ته ورسېده.
