د فکري روزنې په تړاو درې بېلابېل علمي سېمينارونه وړاندې شول
د فکري روزنې او فرهنگي يرغل د مخنيوي په تړاو په وړاندې شويو سېمينارونه کې چې د پوهنتون د فرهنگي هیئت له لوري تنظيم شوي وو؛ د سيد جمال الدين افغاني پوهنتون رهبرۍ، د پوهنځيو رئيسانو، استادانو او اداري کارکوونکو برخه لرله. د يادو علمي سېمينارونو وړاندې کوونکو استادانو د ځوان نسل په سالمه روزنه او فکري بيدارۍ ټينگار وکړ او برخهوال يې مخاطب کړل چې د غربي رسنيو زهرجنو تبليغاتو پر وړاندې په کلکه مبازه وکړي.
د ياد پوهنتون شرعياتو پوهنځي درې تنو استادانو هر يو: پوهنيار مولوي عبدالولي حامدي په(فکري جگړه او له هغې څخه د ژغورنې لارې چارې)، پوهنيار مفتي حميدالله ماموندزي د(اسلامي شريعت په رڼا کې د خپلواکۍ ارزښت) او پوهنيار مولوي قدرت الله عقابي د(اسلامي شريعت په رڼا کې د خپلواکۍ ساتنه) تر سرليکونو لاندې پر ټاکل شويو موضوعاتو علمي سېمينارونه وړاندې کړل او همداراز يې د گډونوالو پوښتنو ته ځوابونه ورکړل. ياد سېمينارونه چې د قرانکريم د څو مبارکو اياتونو په تلاوت سره پیل شوي وو، د محصلانو مرستيال مفتي شېرافضل منصور له لوري په دُعايه کلماتو سره پای ته ورسېدل.
