د پوهنتون اړوند د ښوونې او روزنې پوهنځي نوی ريیس د یاد پوهنځي استادانو او منسوبینو ته ور وپېژندل شو
پوهنيار مولوي خانزاده حنفي د سيد جمال الدين افغاني پوهنتون د ښوونې او روزنې پوهنځي د نوي ريیس په توګه د نوموړي پوهنتون د رييس شيخ عبدالمالک محسن له لوري په داسې حال کې چې د پوهنتون مرستيالانو او د نورو پوهنځيو رييسانو یې ملتیا کوله، رسماً د ياد پوهنځي استادانو او منسوبينو ته ور وپېژندل شو.
پوهنتون رييس د معرفت په يادو مراسمو کې، دنده د شریعت له نظره یو مسئولیت او امانت ياد کړ او نوي ريیس ته یې له اصولو او مقرراتو سره سم د چارو د ترسراوي سپارښتنه وکړه. نوموړي په خپلو خبرو کې د مخکېني رييس پوهنيار خليل الله حنيف له خدمتونو او کوښښونو ستاينه او مننه وکړه.
د ښوونې او روزنې پوهنځي نوي ريیس هم په خپلو خبرو کې د ا.ا.ا د ریاست الوزراء عالي مقام، د لوړو زدهکړو وزارت محترم مقام او پوهنتون د مشرتابه له باور او اعتماد څخه مننه او د چارو د ښه ترسره کولو ژمنه وکړه.
