نړۍوال علمي ژورنال د ايجاد لپاره اجرايیه بورډ جوړ شو
سيد جمال الدين افغاني پوهنتون کې د نړۍوال علمي ژورنال لپاره اجرايیه بورډ جوړ او د علمي څېړنو او مجلې مرستیال په مشرۍ يې خپله لومړنۍ مشورتي ناسته وکړه.
ياد پوهنتون د علمی څېړنو او مجلې معاونيت اړوند د ژورنال او مجلې آمريت په اډانه کې د دې پوهنتون له علمي کادر څخه د نړۍوال علمي ژورنال د ايجاد لپاره دغه بورډ جوړ او پوهنتون د علمي څېړنو او مجلې مرستیال پوهندوی دوکتور سيداصغر هاشمي په مشرۍ يې خپله لومړنۍ مشورتي ناسته وکړه چې د ياد علمي ژورنال د ايجاد پر ارزښت او لومړنيو مراحلو په کې بحث او خبرې وشوې.
غونډې ته د پوهنتون علمي څېړنو او مجلې مرستیال په خپلو خبرو کې د نړۍوال علمي ژورنال رامنځته کېدل د پوهنتون جدي اړتيا وبلله او زياته يې کړه چې په دې سره به د نړۍوالو مقالو د چاپ په برخه کې د دې پوهنتون سربېره د نورو پوهنتونونو استادانو شته ستونزې هوارې شي.
