د اقتصاد پوهنځي له لوري د ممتازو محصلینو د ستاينې ترڅنگ؛ جديدالشمول محصلانو ته ښه راغلاست وويل شو

پیل کې د اقتصاد پوهنځي رييس پوهنيار حامد احمد مراد په خپلو خبرو کې د ياد پوهنځي له استادانو او اداري کارکوونکو مننه وکړه چې د محصلينو په روزنه او د پوهنځي په پرمختگ کې يې نه ستړې کېدونکې هلې ځلې کړې دي. نوموړي نويو شامل شويو محصلينو ته د پوهنتوني چاپېریال او د محصل مسؤلیتونو په تړاو خبرې وکړې او ممتاز محصلين يې وهڅول چې په راتلونکي کې تر دې ډېرې لاسته راوړنې او نوښتونه ولري. غونډې ته د اقتصاد پوهنځي استاد پوهنمل دوکتور ذبيح الله کوټوال، د دعوت او ارشاد آمريت مسؤلينو: مولوي اعجازالحق زلِف او مولوي عبيدالله نعماني په خپلو ويناوو کې جديدالشمول محصلينو ته د لازمو توصيو او لارښوونو سربېره ممتازو محصلينو ته مبارکي وويله. ياده غونډه ممتازو محصلينو ته په ستاينليکونو ورکولو او دُعايه کلماتو سره پای ته ورسېده.