د شرعياتو پوهنځي استادانو له لوري د ترسره شويو څېړنو پايلې له اړوندو ادارو او گډونوالو سره شریکې شوې
په دې تړاو جوړې شوې غونډې ته د سيد جمال الدين افغاني پوهنتون د علمي څېړنو مرستيال پوهنوال دوکتور سيد اصغر هاشمي په خپلو خبرو کې د استادانو له لوري په ترسره شويو څېړنو خوښي وښوده او زیاته یې کړه، چې د نورو پوهنځيو استادان دې هم د خپلو څېړنو پايلې له اړوندو ادارو سره پرخپل وخت شريکې کړي.
غونډې ته د ياد پوهنځي دوه تنو استادانو پوهنمل دوکتور محمد سليم کريمزي او پوهنيار حميدالله ماموندزي په خپل وار د تر سره کړو څېړنو پایلې د پرېزېنټېشن په بڼه له گډونوالو سره شريکې کړې او د هغوی پوښتنې يې هم ځواب کړې. ياده غونډه چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
