د مرحوم اميرالمؤمنين ملا محمد عمر مجاهد رحمه الله روح د خوشحالۍ لپاره د قرانکريم ختم وشو
دغه ختم چې سيد جمال الدين افغاني پوهنتون د ليليې په مسجد کې د ماښام ترلمانځه وروسته وشو، د پوهنتون رييس شيخ عبدالمالک محسن، د محصلانو چارو مرستيال پوهنمل علي احمد بهار، استادانو، کارمندانو او محصلينو په کې گډون کړی ؤ او د مرحوم اميرالمؤمنين رحمه الله روح ته يې له ختم وروسته دُعاء وکړه.
د پوهنتون رييس په خپلو خبرو کې مرحوم امیرالمؤمنین ملا محمد عمر مجاهد رحمه الله د ټولې اسلامي نړۍ افتخار وباله او په پای کې د مرحوم اميرالمؤمنين رحمه الله روح د خوشحالۍ او اسلامي امارت د استحکام او بریالیتوب دُعاوې وشوې.
