د پسرلني سمستر نهايي ازموينې پيل شوې
نن ورځ چې د روان١۴٠۴ هـ . ش کال د چنگاښ مياشتې له ١۴ مې سره برابره ده په سيد جمال الدين افغاني پوهنتون کې د پسرلني سمستر وروستۍ ازموینې پیل شوې چې له ټاکل شوي مهالوېش سره سم به څه باندې درې اونۍ دوام وکړي.
د پوهنتون رييس شيخ عبدالمالک محسن، د علمي چارو مرستيال قاضي عبدالهادي فضلي، د محصلانو چارو مرستيال پوهنمل علي احمد بهار، د پوهنځيو مسؤلينو او د ازموینو عمومي کمېټې غړو د پیل شويو ازموینو له صحنو څخه ليدنه او څارنه وکړه.
د ازموینو له صحنو څخه د لیدنې پر مهال د پوهنتون مشرتابه استادانو ته لارښوونه وکړه چې ازموینې دې د لوړو زدهکړو وزارت له اصولو او مقرراتو او د پوهنتون له داخلي طرزالعمل سره سمې په پوره شفافیت سره واخلي او پایلې دې پر خپل وخت له محصلینو سره شریکې کړي.
