د پوهنتون اداري شورا ناسته وشوه
د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ تر سره شوې يادې ناسته کې چې د پوهنتون مرستيالانو، د پوهنځيو رئیسانو او آمرينو په کې برخه لرله، د ۱۴۰۵ مالي کال بودجوي پلان، د لوړو زدهکړو وزارت څخه د راغلي هيئت گزارش، له بیت المال څخه سالمه او اصولي استفاده او نور بېلابېل موضوعات په کې بحث شول او په تړاو يې لازمې پرېکړې وشوې او همداراز د اړوندو چارو د لا ښه ترسراوي او چټکتيا په موخه ځانگړې کاري کمېټې هم وټاکل شوې.
د پوهنتون عمومي رئيس د خپلې وینا پر مهال د ښه راغلاست ترڅنگ، د يادو موضوعاتو په هکله مسؤلینو ته دندې وسپارلې او هغوی ته يې په اړوندو چارو کې د ښې همغږۍ او پوره همکارۍ لارښوونه وکړه. ياده دې وي چې په دغه کاري ناسته کې د تېرې شورا د پرېکړو راپور هم وړاندې شو او په اخر کې ناسته د خیر په دُعاء سره پای ته ورسېده.
