سيد جمال الدين افغاني پوهنتون د علمي - څېړنيزې مجلې(اند) د چاپ شويو گڼو د ارزونې په موخه د لوړو زده کړو وزارت له لوري ټاکل شوي پلاوي کونړ ولايت ته سفر وکړ
په پيل کې راغلي پلاوي د سيد جمال الدين افغاني پوهنتون له مشرتابه سره وليدل، د پوهنتون رييس پوهنمل محب الله محب هغوی ته ښه راغلاست ووايه او د پوهنتون د هر اړخيز پرمختگ په برخه کې يې معلومات ورکړل، چې د راغلي هيئت مشر پوهندوی دوکتور محمدولي سالاري پرې خوښي وښوده او د پوهنتون مشرتابه ته يې د بشپړې همکارۍ ډاډ ورکړ.
ټاکل شوي پلاوي د دې کاري سفر په ترڅ کې د پوهنتون د علمي - څېړنيزې مجلې(اند) دوه چاپ شوې گڼې وارزولې، چې پايلې به يې په نږدې وخت کې له پوهنتون سره په رسمي بڼه شريکې شي.
