پوهنتون اداري کارکوونکو ته د انگليسي ژبې د زدهکړې ښوونیز پروگرام پيل شو
دغه ښوونیز پروگرام د پوهنتون مسلکي پرمختيايي مرکز په نوښت د ښوونې او روزنې پوهنځي د انگليسي ژبې ديپارتمنت په همکارۍ د اتو مياشتو پر دوام نږدې(۳۰) تنو اداري کارمندانو ته له نړۍوالو ژبو سره د بلدتيا په موخه پیل شو.
د دغه پروگرام په پرانيسته کې د سيد جمال الدين افغاني پوهنتون رييس شيخ عبدالمالک محسن د نوموړي آمريت او د انگليسي ژبې ديپارتمنت له مسؤلينو مننه وکړه او یاده برنامه يې د اداري کارکوونکو لپاره ډېره مهمه وبلله، نوموړي همداراز له ټولو گډونوالو وغوښتل چې له دې فرصت څخه د خپلې پوهې او وړتیا په لوړونه کې اعظمي گټه واخلي.
د پوهنتون مسلکي پرمختيايي مرکز آمر پوهنيار امان الله توتاخېل په خپلو خبرو کې د ياد ښوونیز پروگرام په اړه معلومات ورکړل او د نوموړي مرکز له لاسته راوړنو يې يادونه وکړه.
انگليسي ژبې د ديپارتمنت آمر پوهنيار فهيم فواد د يادې برنامې د مفرداتو په تړاو خبرې وکړې او له گډونوالو يې د دوامدار او پر وخت راتگ غوښتنه وکړه.
