پوهنتون د رييس په مشرۍ، رهبري شورا ناسته وشوه
سيد جمال الدين افغاني پوهنتون د رييس پوهنمل محب الله محب په مشرۍ د پوهنتون رهبري شورا ناسته وشوه.
په ياده ناسته کې د علمي چارو مرستيال پوهندوی ميرويس ستانکزي، د محصلانو چارو مرستيال پوهنمل علي احمد بهار، د مالي او اداري چارو مرستيال قاري رحمن الله صادق او د پوهنځيو ريیسانو ګډون درلود، چې په کې د نصاب پر بشپړ تطبيق، د روان سمستر ازموينو ته د چمتووالي او د نورو بېلابېلو موضوعاتو په اړه بحث وشو.
د ناستې په پيل کې د پوهنتون رييس پوهنمل محب الله محب تدريسي بهير د لا ښه والي په پار اړوند مسؤلینو ته لازمې لارښوونې وکړې.
د بحث په ترڅ کې د پوهنتون مشرتابه د يادو موضوعاتو ترڅنګ پر يو شمېر نورو بېلابېلو مسايلو بحث او پرېکړې وکړې.
