پوهنتون کې د شهيد محصل فاتحه واخيستل شوه
د سيد جمال الدين افغاني پوهنتون له لوري د ليليې په مسجد کې د شهيد محصل امان الله فاتحه واخيستل شوه او هم يې پاک روح ته د ایصال ثواب په موخه د قرانکريم ختم وشو.
د فاتحې او ختم په يادو مراسیمو کې د سيد جمال الدين افغاني پوهنتون رييس، د پوهنتون مرستيالانو، د پوهنځيو ريیسانو، استادانو، اداري کارمندانو او محصلينو گډون کړی ؤ. د پوهنتون رييس شيخ عبدالمالک محسن د نوموړي محصل شهادت يوه ستره ضايع وبلله او د شهيد کورنۍ، خپلوانو، دوستانو او خواخوږو ته يې د تسليت مراتب وړاندې کړل. د قرانکريم له ختم وروسته د شهيد روح د خوشحالۍ لپاره دُعاوې وشوې.
